Рукнлар
Иқтисодиёт
Ижтимоий ҳаёт
Деҳқон ва замин
Маънавият ва марифат
Аёл ва жамият
Экология
Ёшлар олами
Адабиёт ва санъат
Фан ва техника
Тиббиёт
Бухоро ва жаҳон
Оила даврасида
Инсон ва конун
Спорт хабарлари
Фонд лойиҳаси
Реклама
Об-ҳаво
Ҳамкорлар



№ 97 дан: 26.11.2016

Сайлов — 2016

Муддатидан олдин овоз бериш бошланди

Қоракўл туманидаги "Қуввача" қишлоқ фуқаролар йиғини ҳудудида истиқомат қилаётган Негқадам Бозоров яқинда ¬хизмат сафари билан хорижга жўнаб ¬кетади. У 4 декабрда бўлиб ўтадиган Ўзбекистон Республикаси Президенти сай¬ловида мамлакат ҳудудида бўла ол¬маслиги сабабли "Ўзбекистон Республикаси Президенти сайлови тўғрисида"ги Қонуннинг 31-моддасига кўра, муддатидан олдин овоз бериш ҳуқуқига эга. Шу муносабат билан Н. Бозоров 24 ноябрь куни ўзи яшаётган ҳудуддаги 351-сайлов участкасига ташриф буюрди ва конституцион ҳуқуқидан фойдаланиб, миллий сайлов қонунчилигимизга мувофиқ сайловда муддатидан олдин овоз берди.

Айтиш жоизки, Ўзбекистон Республикаси Президенти сайловини ўтказувчи 3-Бухоро сайлов округининг муддатидан олдин овоз бериш вақтини белгилаш тўғрисидаги тегишли қарорига кўра, вилоятимиз сайловчиларининг муддатидан олдин овоз бериш вақти 2016 йил 24 ноябрдан 2 декабрь санасигача соат 9.00 дан 18.00 га қадар этиб белгиланган. Шу кунларда "Ўзбекистон Республикаси Президенти сайлови тўғрисида"ги Қонун талаблари асосида юртимизнинг барча ҳудудларида бўлгани каби вилоятимиз сайлов участкаларида ҳам муддатидан олдин овоз бериш жараёни бошланган.

—Ушбу жараён сайловга ўн кун қолганида бошланади ва сайловга бир кун қолганида тугалланади,—дейди 351-сайлов участкаси раиси ўринбосари Худойберди Бебутов.—Муддатидан олдин овоз беришни амалга ошириш учун сайловчи сайлов кунида бўла олмаслиги сабаблари (таътил, хизмат сафари, чет элга чиқиш ва ҳоказо) кўрсатилган ариза асосида ўз яшаш жойидаги участка сайлов комиссиясидан сайлов варақасини ¬олади. Сайлов варақаси махсус жиҳозланган яширин овоз бериш кабинасида ёки хонасида сайловчи томонидан тўлди¬рилади. Тўлдирилган сайлов варақаси ёпиқ конвертда участка сайлов комис¬сия¬сида қолдирилади. Конвертнинг елимланган жойига участка сайлов комиссияси икки нафар аъзосининг имзолари қўйилиб, улар комиссиянинг муҳри ва сайловчининг имзоси билан тасдиқланади.

Дарҳақиқат, миллий сайлов қонунчилигимизда мамлакатимиз фуқароларининг сайлов билан боғлиқ барча ҳуқуқлари кафолатланган. Фуқаролар сайловда иштирок этиши учун барча шарт-шароитлар яратилгани, ҳатто муддатидан олдин овоз бериш учун имконият мавжудлиги сайловга оид қонунларимиз, сайлов тизимимизнинг ҳар жиҳатдан мукаммаллигидан далолат.

* * *

Муддатидан олдин овоз бериш ҳу¬қуқидан фойдаланганларнинг яна бири Дилноза Очиловани Бухоро шаҳридаги 60-сайлов участкасида учратдик.

—Бу кун мен учун, ёш сайловчи сифатида унутилмас кун. Овоз беришда илк бор иштирок этдим,—дейди Дилноза.— Участка сайлов комиссия тақдим этган сайлов варақасини овоз бериш кабинасида тўлдириб, ўзим учун муносиб, деб билган номзодни қўллаб-қувватладим. Муддатидан олдин овоз беришимнинг боиси мен яқин кунларда Беларус Республикаси пойтахти Минск шаҳрида бўлиб ўтадиган таэквондонинг ITF йўналиши бўйича жаҳон кубоги мусобақасига терма жамоа таркибида жўнаб кетаман. Шуни фахр билан айтаманки, мамлакатимизда ёшларнинг спорт билан шуғулланиб, ўз иқтидорини намойиш этишлари учун барча шароитлар яратилган. Уч карра Ўзбекистон чемпиони, жаҳон чемпионати бронза медали сов¬риндори бўлишим ҳам ана шуларнинг самарасидир. Мен сайловда қатнашар эканман, Биринчи Президентимиз бошлаган улкан ишлар, ёшларга қаратилган давлат сиёсатининг янада изчил давом этиши учун овоз бердим.

Мамлакатимизда ерости бойликларни ўзлаштириш, шу аснода жумладан, ёқилғи-энергетика соҳасини ривожлантириш йўлида неча ўн минглаб ишчи-хизматчилар меҳнат қилишяпти. Сайлов куни уларнинг бир қисми олис чўллардаги объектларда ўз фаолиятини давом эттиришади.

—Ишимиз вахта усулида ташкил этилган,—дейди Шофиркон тумани ҳуду¬дидаги 426-сайлов участкасига муд¬датидан олдин овоз бергани келган ¬Қоровулбозор туманидаги автотранспорт корхонаси ҳайдовчиси Ғайрат Сатторов.—4 декабрда қўшни вилоятда жойлашган Кўкдумалоқ конида меҳнат қилаётган пармаловчиларга транспорт хизмати кўрсатаман. Биз, ишчи-хизматчилар ўз Ватанимиз билан фахрланамиз. Она юртимизнинг янада равнақ топишига ўз ҳиссамизни қўшамиз.

Вилоятда муддатидан олдин овоз бериш давом этмоқда.У қонунда белгиланганидек, сайловга бир кун қолганда ниҳоясига етади.

Эркин ЁДГОРОВ, Дилдора ИБРОҲИМОВА, "Бухоронома" мухбирлари.

:: орқага


Нашр ҳақида
Обуна
Мулоқот
Архив






  Copyright © 2007 — 2017 Бухоронома  
Сайт Ўзбекистон мустақил босма ОАВни ва ахборот агентликлариниқўллаб-қувватлаш  
ва ривожлантириш жамоат фонди кўмагида яратилди. Дизайн ва дастурлаш SAIPRO компанияси томонидан амалга оширилди.