Рукнлар
Иқтисодиёт
Ижтимоий ҳаёт
Деҳқон ва замин
Маънавият ва марифат
Аёл ва жамият
Экология
Ёшлар олами
Адабиёт ва санъат
Фан ва техника
Тиббиёт
Бухоро ва жаҳон
Оила даврасида
Инсон ва конун
Спорт хабарлари
Фонд лойиҳаси
Реклама
Об-ҳаво
Ҳамкорлар



№ 96 дан: 23.11.2016

Баркамол авлод тарбияси йўлида

Журналистларни қайта тайёрлаш халқ¬аро марказининг "Мамлакатимиз оммавий ахборот воситаларининг оила институтини мустаҳкамлаш масалаларини ёритиш бўйича салоҳиятини ошириш" лойиҳаси доирасида вилоятимизда "Таълим сифати — баркамол авлод тарбияси пойдевори" мавзуига бағишланган давра суҳбати бўлиб ўтди. БухДУ қошидаги 4-академик лицейда ташкиллаштирилган мазкур тадбирда ОАВ ходимлари ва ўқувчи-ёшлар иштирок этишди. Тадбирни вилоят ҳокимлиги аппарати ахборот хизмати раҳбари Акбар Рустамов кириш сўзи билан очди ва бошқариб борди.

Ўқув-семинарда болаларни тарбиялашда гендер жиҳатларига эътибор қаратиш лозимлиги, 2-7 ёшдаги болалар таълими, мактабгача таълим муассасаларининг бола ривожланишидаги ўрни, болалар фаоллигини оширишда таълим сифати ва самарадорлиги хусусида сўз юритилиб, бу масалаларни ОАВда ёритиш бугунги куннинг долзарб мавзусига айланиши лозимлиги қайд этилди.

— Семинар ота-оналарнинг мактабгача таълим муассасаларидаги таълим-тарбия жараёнида иштирокини таъминлаш, болалар фаоллигини оширишда уларнинг саломатлиги ва хавфсизлигининг аҳамиятини кенг тарғиб этиш, МТМларга қатнамайдиган болаларни уй шароитида мактабга тайёрлаш ишларини ташкил этиш ва кенг ёйишда оммавий ахборот воситалари ролини кучайтиришга қаратилгани билан аҳамиятлидир, — дейди лойиҳа эксперти Гулчеҳра Ҳамроева. — Қайд этиш лозимки, бу борада мамлакатимизда қатор ишлар амалга ошириб келинмоқда. Хусусан, 2014 йилдан бери МТМларга қатнамайдиган болалар учун беш номдаги бепул адабиётлар тарқатилмоқда. Айни чоғда 3-6 ёшли болалар учун 7 номдаги методик қўлланмалар тайёрланмоқда, уларнинг ҳам бепул тарзда тарқатилиши кўзда тутилган.

Шу куни тадбир доирасида "Бухоро ёшлари" газетасининг Ўзбекистон Республикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди маблағлари билан молия¬лаш¬тирилган "Эркин фуқаролик жамия¬ти қуриш йўлида камарбаста бўлайлик!" номли лойиҳаси асосида "Болангиз ҳуқуқини биласизми?" мавзусидаги ўқув-семинари ташкил этилди.

Ўз мухбиримиз.

:: орқага


Нашр ҳақида
Обуна
Мулоқот
Архив






  Copyright © 2007 — 2017 Бухоронома  
Сайт Ўзбекистон мустақил босма ОАВни ва ахборот агентликлариниқўллаб-қувватлаш  
ва ривожлантириш жамоат фонди кўмагида яратилди. Дизайн ва дастурлаш SAIPRO компанияси томонидан амалга оширилди.