Вилоят ҳокими ўзи ўқиган мактабда “Мустақиллик дарси”да иштирок этди

Бухоро вилоятидаги таълим муассасаларида ҳам янги – 2019/2020-ўқув йили “Жонажон Ўзбекистоним, мангу бўл омон!” шиори остидаги “Мустақиллик дарслари” билан бошланди.

Бугун, 4 сентябрь куни вилоят ҳокими Ўктам Барноев ўзи таълим олган Қоракўл туманидаги 15-сонли умумтаълим мактабида янги ўқув йили бошланиши билан ўтказилган ана шундай тадбирда иштирок этди.

Buxoro.uz

Тадбир давомида вилоят раҳбари таълим маскани ўқитувчи ва ўқувчиларини янги ўқув йили билан табриклади. Шунингдек, вилоят раҳбари ўзининг ҳаётидан мисоллар келтириб, улар эришган муваффақиятларда мактабдаги таълим ва тарбиянинг роли катта бўлгани, қолаверса, ўқувчиларга мактаб даврида яхши ўқиб, вақтдан унумли фойдаланиш муҳимлиги ҳақида қисқача маъруза қилди. Ўқувчиларга ўқув қуролларидан иборат “Президент совға”ларини топширди. Таълим масканида ўқувчи ёшлар педогогик жамоа учун яратилган шарт-шароитлар билан яқиндан танишди.

Buxoro.uz
Buxoro.uz

Маълумот учун, 2019-2020 ўқув йилида умумтаълим мактабларининг 1-синфига 32 минг 732 нафар ўқувчи қабул қилинди.

Buxoro.uz
Buxoro.uz

2019 йил Инвестиция дастури доирасида 16 та умумтаълим мактабида қурилиш-таъмирлаш ишларини амалга ошириш учун 32,6 млрд сўм, “Обод қишлоқ”, “Обод маҳалла” ва “Обод марказ” дастурлари доирасида 30 та умумтаълим мактабидаги бунёдкорлик ишлари  учун маҳаллий бюджетнинг орттириб бажарилган қисми ҳисобидан 88,8 млрд сўм маблағ сарфланди.

Шу билан бирга, вилоятдаги 20 та касб-ҳунар коллежи бинолари белгиланган тартибда халқ таълими тизимига ўтказилди.

Вилоят ҳокимлиги ахборот хизмати

Добавить комментарий

Ваш e-mail не будет опубликован. Обязательные поля помечены *